P2.1M shabu nasakmit sa buy-bust sa Mandaue

SunStar Mandaue City
SunStar Mandaue City

Giila sa kapulisan nga high value individual (HVI) nga drug pusher nga si alyas “Potot” nakuhaan og balor P2.1 milyunes nga shabu atol sa buy-bust alas 10 sa gabii sa Miyerkules, Hunyo 12, 2024, sa Sityo Pilapil, Brgy. Casuntingan, siyudad sa Mandaue .

Ang operation gipangulohan ni P/Lt. Zecgrath Delideli, deputy chief, ubos sa kamanduan sa ilang station chief nga si P/Maj. Mikhail Mangawang Mallorca sa Mandaue Police Station 4, ubos sa koordinasyon sa Philippine Drug Enforcement Agency (PDEA 7).

Ang suspek nasakmitan og gidudang shabu nga may timbang kapin kun kuwang 320 gramos nga may standard drug price nga P2,176,000.

Si “Potot”, 20, ulitawo, taga Sityo Tarcom, Brgy. Lahug, usa sa mga dapit sa Siyudad sa Sugbo nga naghitak ang ilegal nga drugas.

Nadakpan na siya sa samang kalapasan ug nakombikto apan nakagawas sa bilanggoan sa Enero niing tuiga. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph