P2M danyos sa sunog sa tunghaan

P2M danyos sa sunog sa tunghaan
Hulagway gikan sa Fb post sa Barangay Capitol Site Emergency Response Team

Gibanabana sa kabomberohan nga P2 milyunes ang danyos sa sunog sa usa ka edipisyo sa Napo Elementary School sa Sitio Napo, Brgy. Sapangdaku, dakbayan sa Sugbo, alas 2:56 sa buntag, Huwebes, Enero 25, 2024.

Sa imbestigasyon sa Cebu City Fire Office (CCFO) nga faulty wiring ang hinungdan sa sunog nga niugdaw sa siyam ka classrooms sa karaang edipisyo.

Si Brgy. Konsehal Justina Ybañez, caretaker sa Napo Elementary School nga nahinabi sa Superbalita Cebu, nagkanayon nga nakamata nalang sila nga dunay nag buto-buto ug nagpaka-paka sa tunghaan.

Sa pagtan-aw niya sa bintana, nagdila-ab na ang kayo.

Gikaon sa kayo ang classrooms sa kinder ug grade 1.

Nagdali siya og gawas sa panimalay ug nangayo og panabang sa mga silingan.

Nahitabo ang bayanihan sa pagsablig og tubig sa nagkayo nga tunghaan apan wa kini matabang.

Si Babylin Palban, principal sa Napo Elementary School, nibutyag nga dunay 200 ka mga estudyante ang naapektuhan sa sunog.

Lakip sa naugdaw ang classroom sa Grade 2 ug Grade 3 ug computer laboratory.

Gimandoan sila sa DepEd Cebu City Division nga mag-modular lang una sa klase ang mga bata samtang magpaabot nga ayuhon ang mga building nga nasunog.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph