Moabot sa lima ka kilos sa gituohang shabu ang nasakmit sa mga sakop sa Philippine Drug Enforcement Agency(PDEA) 7 atol sa buy-bust sa dalan Cokaliong, Barangay Carreta, dakbayan sa Sugbo, alas 3 sa hapon, Biyernes, Oktubre 11, 2024.
Ang suspek giila nga si Maria Christine Gonzales Abarquez, 51, taga Barangay Cogon, siyudad sa Sugbo.
Nakuha gikan kaniya ang dagkong putos sa gituohang shabu nga motimbang sa lima ka kilos nga dunay estimated average market value nga P34,000.
Matod ni Leia Alcantara, information officer sa PDEA 7, nga tulo ka semana nila nga gipaubos sa case buildup si Abarquez human madawat ang impormasyon nga mamaligya kinig dinaghan nga supply sa ilegal nga drugas.
Giingong makabaligya kini’g 5 kilos matag semana sa ilang dapit nga baligyaanan sa Metro Cebu sama sa Mandaue, Lapu-Lapu ug dakbayan sa Sugbo.
Wala moluwat sa iyang pamahayag ang suspek sa dihang gisuwayan pagkuha ang iyang habig.
Apan niadtong 2016 nadakpan na sa kapulisan sa Abarquez sa kaso gihapon sa illegal nga drugas. / AYB