Moabot og 500 gramos nga shabu nga mobalor og P3.4 milyon ang nasakmit sa kapulisan gikan sa suspek sa buy-bust sa dan F.E Zuellig, Brgy. Subangdaku, Siyudad sa Mandaue, alas 9 sa gabii, Lunes, Oktubre 21, 2024.
Ang nasikop giila sa alyas nga 'Dansoy,' hamtong, ug giila sa kapulisan nga high value individual (HVI). Si Dansoy na-validate sa City Intelligence Unit ug City Drugs Enforcement Unit sa Mandaue hinungdan nga gilusad ang buy-bust ubos sa koordinasyon sa Philippine Drug Enforcement Agency (PDEA) 7.
Si Dansoy nakuhaan usab og armas nga Smith and Wesson .22 caliber magnum revolver.
Gibalhog na sa bilanggoan si Dansoy ug mag-atubang sa kaso sa gidiling drugas ug pagkupot og armas. / DVG