P3.4M kapin balor sa drugas, sakmit

BUY-BUST: Gipahigayon sa kapulisan ang buy-bust sa Sityo Sawsa­wan, Barangay San Roque, dakbayan sa Talisay, alas 9:58 sa gabii, Mayo 25, 2024, diin gibana­ba­­na nga 505 gramos sa gidudahang shabu nga dunay standard drug price nga P3,434,000 
ang nasakmit.
BUY-BUST: Gipahigayon sa kapulisan ang buy-bust sa Sityo Sawsa­wan, Barangay San Roque, dakbayan sa Talisay, alas 9:58 sa gabii, Mayo 25, 2024, diin gibana­ba­­na nga 505 gramos sa gidudahang shabu nga dunay standard drug price nga P3,434,000 ang nasakmit. Tali­say City Police Station

Gibanabana nga 505 gra­mos sa gidudahang shabu nga dunay standard drug price nga P3,434,000, ang nasakmit sa buy-bust sa Sityo Sawsawan, Barangay San Roque, dakbayan sa Talisay, alas 9:58 sa gabii, Mayo 25, 2024.

Nasikop ang rumbo sa operasyon nga giila sa kapulisan nga high-value individual (HVI) mao si Wences­lao Daan Molato alyas Winwin, 28, ulitawo, way trabaho, ug taga Purok Rosal, Barangay San Roque.

Ang iyang kauban nga nasikop mao sila si Jomari John Pelipas Banate alyas Joe, 26, ulitawo, usa ka parking boy ug taga Sityo Laray, Brgy. San Roque, ug July Lauron Abadiez Jr., 29, ulitawo, taga Upper Villa Bolsita, Brgy. Bulacao, siyudad sa Sugbo.

Nihimo sa operasyon mao ang mga sakop sa Talisay City Drugs Enforcement Unit ubos sa kamanduan sa ilang hepe nga si P/Lt. Col. Epream Paguyod pinaagi sa koordinasyon sa Philippine Drug Enforcement Enforcement Agency (PDEA) 7.

Matod pa sa dihang na-validate ang nahisgutan nga taho bahin sa kalihokan sa mga suspek bahin sa illegal nga drugas, gilusad sayon ang buy-bust.

Ang poseur buyer naggamit kini og P500 apan gipailawman og peke nga 59 ka tag P500 ug 20 ka peke nga tag P1,000 bugti sa usa ka plastik nga putos sa shabu.

Sa dihang nadakpan ang mga suspek, nakuhaan pa gayod kini sa onse ka putos sa gituohang shabu.

Ang mga suspek gitanggong na sa kapulisan sa Talisay ug gipaabot nga pasakaan og tukmang kaso ning adlawa. /

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph