P374K ‘shabu’ nasakmit gikan sa kawani sa resort

Bohol map. (SunStar photo)
Bohol map. (SunStar photo)

Bag-ong identified nga drug personality sa dakbayan sa Tagbilaran, Bohol, ang nadakpan sa gilusad nga buy-bust sa mga sakop sa Philippine Drug Enforcement Agency (PDEA), Drug Enforcement Unit (DEU) sa Bohol Bolice Provincial Office (BPPO) ug Tagbila­ran City Police Station, alas 8:27 sa gabii, Miyerkules, Hunyo 5, 2024, sa Barangay San Isidro nga giila nga drug-cleared barangay sa Tagbilaran.

Ang suspetsado giila nga si Joebert Estoque, 44, ug emple­yado sa usa ka resort sa Bohol.

Nakuha gikan kang Estoque ang tulo ka putos sa shabu nga motimbang sa 55 grams nga dunay estimated average market value nga P374,000 lakip ang cellphone ug usa ka motorsiklo niini.

Matod ni Leia Alcantara, information officer sa PDEA 7, nga nadawat nila ang impormasyon gikan sa usa ka confidential information nga tu­ngod ani ilang gipaubos sa usa ka semana nga case build-up.

Sa nakuha nga kasayuran, nahibaw-an nila nga makaba­ligya si Estoque og 50-100 gramos matag semana. Dugang ni Alcantara nga ang maong barangay gideklara drug-cleared apan wala magpasabot nga moundang na sila sa ilang monitoring labot sa illegal drug activities sa maong barangay. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph