Moabot sa P3.9 milyunes nga balor sa ilegal nga drugas ang nasakmit sa Police Regional Office (PRO) 7 atol sa duha ka adlaw nga anti-criminality operations gikan sa Septiyembre 16 ngadto sa 18, 2024.
Sa data nga gipahibawo sa PRO 7, nakasikop sila og 101 ka drug personalities nga niresulta sa pagkasakmit sa 584.91 gramos nga dunay standard drug price nga P3,977,388.
Sa ilang kampanya batok wanted persons, naka sikop sila og 52 ka tawo nga dunay mga pending warrant of arrest sa ilang mga kaso diin walo niini giila nga most wanted person.
Nakaimbargo og 16 ka nagkalainlaing kalibre sa armas atol sa 16 ka operations ug tulo ka mga tawo ang nadakpan nga napasakaan na og kaso.
Gipakusgan usab sa kapulisan ang ilang kampanya batok illegal gambling diin nakalusad sila og 97 ka anti-illegal gambling operations nga niresulta sa pagkasikop sa 103 ka mga sugarol ug pagk sakmit sa P10,364 nga salapi. / AYB