Ang duha ka mga giila nga high value individual (HVI) nga tigbaligya og ginadiling drugas ang nasikop atol sa buy bust sa Barangay Mactan, Lapu-Lapu City, Agusto 3, 2024.
Nakuhaan og 65 gramos nga gibug-aton sa gituohang shabu nga gibanabana nga mokantidad ngadto sa P442,000.
Ang mga dinakpan nailhan lang sa pangalang Erwin, 43, ug alyas Georger, 49, pulos minyo ug walay mga trabaho.
Wa makamatikod ang maong mga dinakpan nga polis diay ang nagpakaaron ingnon nga buyer sa dihang gipalitan og lima ka pakete ug laing usa ka putos sa shabu.
Sa dihang gitunol ang maong butang, pusas maoy gipulseras sa maong drug pushers.
Ang suspek gikatakda nga pasakaan og tukmang kaso sa kapulisan. / DVG