P4.8M nga drugas sakmit sa buy-busts

DINAGKO: Moabot sa 140 ka gramos sa shabu nga mobalor og kapin sa P900,000 ang nasakmit gikan kang Nathaniel Demata Tolin, alyas Popoy, 29, taga Sityo Arellano, Brgy. San Roque, Cebu City.
DINAGKO: Moabot sa 140 ka gramos sa shabu nga mobalor og kapin sa P900,000 ang nasakmit gikan kang Nathaniel Demata Tolin, alyas Popoy, 29, taga Sityo Arellano, Brgy. San Roque, Cebu City. TALISAY CITY POLICE STATION

Ang mga sakop sa Drugs Enforcement Unit sa Talisay City Police Station ubos sa pagdumala ni Lt. Col. Wayne Magbanua ma­lampuson nga nakasikop sa giila’ng high value individual (HVI) sa usa ka buy-bust, inabagan sa Philippine Drug Enforcement Agency (PDEA).

Ang suspek giila nga si Nathaniel Demata Tolin, alyas Popoy, 29, ulitawo, adu­nay kapuyo, taga Sityo Arellano, Brgy. San Roque, Siyudad sa Sugbo.

Ang buy-bust gipahigayon sa Lunes sa alas 10:30 sa gabii, Enero 8, 2023, sa Sta. Lucia Road, Brgy. Bulacao, Talisay City.

Nakuha gikan sa suspek ang 28 ka pakete sa gituohan nga shabu nga motimbang og 140 gramos nga adunay standard drug price nga P952,000.

CEBU CITY

Target listed nga personality sa PDEA 7 nadakpan sa buy-bust alas 5:25 sa Lunes sa hapon, Enero 8, 2024 sa Sitio Laya, Brgy. Kalunasan, dakbayan sa Sugbo.

Ang mga operatiba sa PDEA 7 uban sa Naval Forces Central ug Guadalupe police station nilusad sa buy-bust nga niresulta sa pagkasikop ni Charles Clue Aragon, 28, taga Sitio Alaska, Brgy. Mambaling, dakbayan sa Sugbo.

Nakuha gikan sa suspek ang 17 ka dagkong putos sa gituohang shabu nga motimbang og 575 gramos nga dunay estimated market value nga P3,910,000, lakip na ang buy-bust money, timbangan sa ilegal nga drugas ug cellphone.

Matod ni Leia Alcantara, information officer sa PDEA 7, nga duha ka semana nila nga gipaubos sa case build up ang suspek human madawat ang impormasyon gikan sa kasaligang tinubdan.

Sa nakuha nga kasayuran, si Aragon makabaligya og 500 gramos kun tunga sa kilo matag semana gikan sa iyang supplier sa ilegal nga drugas.

Kasong kalapasan sa Section 5 ug 11, Article II sa Republic Act 9165 kun Comprehensive Dangerous Drugs Act of 2002 ang ipasaka nga kaso batok sa suspek.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph