Kapin sa tunga sa bilyon ka pesos nga balor sa ilegal nga drugas ang nasakmit sa Police Regional Office (PRO) 7 sulod sa unom ka buwan nga anti-illegal drug operations gikan Enero hangtod Hunyo 2025 nga miresulta sa pagkasikop sa dul-an 5,000 ka drug personalities.
Sa unom ka buwan nakalusad ang kapulisan sa Central Visayas og 4,101 ka anti-illegal drug operations nga nisangpot sa pagkasikop sa 238 ka high-value individuals; 2,522 ka street level; ug 1,973 nga newly identified personalities.
Sa datos nga gipakita sa PRO 7 nakasakmit sila og 76,120.35 gramos nga shabu nga dunay estimated standard drug price nga P517,618,380, lakip na ang P3,038,814.40 nga kantidad sa nasakmit nga tanom sa marijuana, 250 gramos nga cocaine nga mokantidad sa P1,325,000 ug ang 60 ka tabletas sa ecstasy nga mobalor sa P102,000.
Si Police Brigadier General Redrico Maranan ang hepe sa kapulisan sa Central Visayas nibutyag nga ang maong gidaghanon sa nasakmit nga ilegal nga drugas ug pagkasikop sa mga drug suspects tungod sa walay hunong nga kampanya pinasubay sa programa ni PNP Chief Police General Nicolas Torre III.
“We will not let up. Every gram of shabu taken off the streets, every pusher and trafficker arrested, is a victory for every community in Central Visayas. Our men and women in uniform have risked their lives to protect our people, and these results reflect their dedication, professionalism, and unyielding resolve to make our region safer,” matod ni Maranan.
Iyang gipasabot nga ang pagsumpo sa ilegal nga drugas dili lang responsibilidad sa kapulisan kung dili usa ka kini sa shared responsibility nga nagpasabot nga kinahanglan ang manginlabot aron makuhaan ang problema sa komunidad.
“The fight against illegal drugs is not the sole responsibility of the police, it is a shared duty. We call on the public to continue supporting our campaign by reporting drug-related activities and working hand in hand with us to create a drug-free Central Visayas,” dugang ni Maranan.
Nipasalig ang heneral nga magpadayon ang momentum sa ikaduhang hugna sa tuig 2025 ug pakusgan pa nila ang ilang pakig-alayon uban sa nasudnong ahensya sa gobyerno lakip na sa mga local government units, barangay officials ug sa mga civil society groups. / AYB