P500M shabu nasakmit, 2,700 nasikop

SunStar Local News
SunStar Local News

Moabot ngadto sa 76,518 gramos nga shabu nga adunay standard drug price nga P459,124,440 nasakmit sa Police Regional Office 7 su’d sa unom ka buwan nila nga Simultaneous Anti-Criminality and Law Enforcement Operation (SACLEO) gikan sa Enero-Hunyo 2024.

Sa mao nga mga buwan, sila nakalusad og 2,385 ka anti-illegal drug operations nga niresulta sa pagkasikop sa 2,757 ka drug personalities.

Gawas sa methamphetamine kun shabu, nakasakmit usab ang kapulisan sa Central Visayas og 5,505.33 gramos nga pinauga nga marijuana nga mobalor og P660,639.60.

Samtang sa gihingusgan nga kampanya sa illegal gambling, ang PRO-7 nakahimo og 2,471 ka anti-illegal gambling operations nga nisikop sa 4,461 ka mga sugarol ang nangadakpan ug pagkasakmit sa P471,879.75 nga kwarta sa sugal.

Sa ilang pagpaningkamot batok sa loose firearms, nakahimo sila og 1,642 ka mga operasyon.

Sa maong mga operasyon, sila nakasakmit og 1,786 ka armas sa lainlaing kalibre, 1,454 ka eksplosibo, 1,284 ka mga bala sa lainlaing kalibre sa armas ug 314 ka mga tawo ang nadakpan ug napasakaan og kaso sa korte.

Una nang nipagawas og kamandoan si Police Brigadier General Anthony Aberin, hepe sa Police Regional Office 7 nga patutokan ang mga tawo nga pinangita sa balaod subay sa salaod nga ilang nahimo.

Tungod niini, nakalusad ang kapulisan og 1,964 ka mga operasyon nga niresulta sa pagkasikop sa 1,949, diin 187 niini nabutang sa listahan isip mga most wanted person. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph