P50K tanyag sa NBI sa makatudlo asa ang lain nga ‘Alice Leal Guo’

P50K tanyag sa NBI sa makatudlo
asa ang lain nga ‘Alice Leal Guo’
Photo from Risa Hontiveros Facebook page

Ang National Bureau of Investigation (NBI) nitanyag og P50,000 nga reward alang sa bisan unsang impormasyon nga motultol sa nahimutangan sa laing Alice Leal Guo, kansang mga litrato, base sa NBI clearance record, wala motakdo sa kontrobersyal nga si Bamban, Tarlac Mayor Alice Guo.

Sa usa ka press conference, si NBI Director Jaime Santiago niingon nga si “Alice Leal Guo,” kinsang gideklarar nga address niadtong 2005 naa sa Quezon City, kinahanglan nga mopasabot, tungod kay siya nagtuo nga adunay nisugo kaniya sa pagkuha og NBI clearance gamit ang maong ngalan, Hulyo 12, 1986 isip adlaw’ng natawhan, ug Tarlac ang dapit nga natawhan.

Ang personal nga impormasyon nahisama kang Mayor Guo base sa iyang rehistrasyon sa live birth nga narehistro lang niadtong 2007.

“Concealing true name... Bakit mo ginawa ‘yun? Sinong may utos sa ‘yo?,” matod pa ni Santiago.

Namatikdan ni Santiago nga ang fingerprints ni “Alice Leal Guo” sa 2005 NBI clearance dili usab motakdo sa kang Mayor Guo.

Napakyas ang NBI sa pagpangita sa babaye sa iyang gideklarar nga address sa Quezon City ug wala usay rekord nga makatug-an nga siya nagpuyo sa dapit kaniadto.

Sa sayo pa, ang NBI mihukom nga si Mayor Guo ug ang Chinese national nga si Guo Hua Ping, kinsa gikatahong unang misulod sa nasod niadtong Enero 2003 uban sa iyang pamilya, pinaagi sa Special Investors Resident Visa (SIRV), usa ra.

Ang fingerprint ni Mayor Guo gikan sa clearance nga iyang gi-aplay sa NBI ubos sa ngalan ni Alice Guo niadtong 2021 nitugma sa fingerprint record ni Guo Hua Ping niadto pang 2006 sa iyang Alien Certificate of Registration.

Wala ug tuo ang mga pangutana nga nitumaw sa tinuod nga pagkatawo ni Mayor Guo nunot sa iyang implikasyon sa gi-raid nga ilegal nga Philippine Offshore Gaming Operator (Pogo) duol sa Bamban Municipal Hall.

Subli niyang gipasabot nga love child siya sa iyang amahan ngadto sa iyang inahan nga si Amelia Leal Guo, kinsa iyang giangkon nga pure blooded Filipina.

Ang mga magbabalaud nipa­dayag og pagtuo nga gipeke ni Guo ang pagka-Pilipino. / TPM sa SunStar Philippines

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph