P6.8M rehabilitasyon sa parte sa estero, abagahon sa private company

File photo
GIBUNGKAG: Giguba na sa Task Force Gubat sa Baha niadtong sayong bahin sa Mayo 2024, ang paril sa Tinago Barangay Hall human nga milapas sa three meters easement gikan sa sapa sa Arellano boulevard, Cebu City. File photo

Usa ka pribado nga kompaniya nisugyot nga maoy mogasto alang sa rehabili­tasyon sa usa ka bahin sa Estero de Parian duol sa R. Palma St., dakbayan sa Sugbo nga mobalor og P6.8 milyunes.

Ang proyekto abagahon sa Fast Logistics Cargo Forwarding Company, sumala ni retired Maj. Gen. Melquiades Feliciano, ang Task Force Gubat sa Baha (TFGB) overseer.

Si Feliciano niingon sa text message niadtong Dominggo, Hunyo 9, 2024, nga ang P6.8 milyunes maoy makatabon sa bisan unsang danyos nga mahitabo sa ilang pagbawi sa three-meter easement zone.

Ang Fast Logistics Cargo Forwarding Company maoy usa sa mga establisemento nga nilusot sa easement zone duol sa R. Palma St.

Ang kompanya boluntaryong mipabakwit sa maong lugar ug mitanyag usab nga i-cover ang construction alang sa riprap sa may Estero de Parian.

Dihang gipangutana kon kanus-a nila masugdan ang rehabilitation project, si Feliciano niingon nga mahimo na silang magsugod dayon kay aduna na silay programa alang sa maong proyekto.

Apan, sumala sa opisyal nga Facebook page sa TFGB, ang kompanya sa kargamento mikuha sa Yozech Construction aron ipatuman ang proyekto.

Ang Yozech Construction nagbase sa dakbayan sa Dipolog.

Daghang establisemento sa Estero de Parian nga nakalapas sa three-meter easement ang nituman sa hangyo sa gobyerno.

Ang pinakaulahi nga nituman mao ang Gaisano Main nga gipanag-iya ni Alex Gai­sano. / AML

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph