P68M ‘shabu’ sa 2 ka magsuon nasakmit

 DRUG BUST: Ang manag­suong Jaime Auxtero Dajao, 47, ug Roberto, 53, pulos taga Purok 2, Barangay Tanghalige, lungsod sa Talibon, Bohol nakuhaan og 10 ka kilo sa gituohang shabu nga mobalor og P68 milyunes sa buy-bust sa A. Soriano Avenue, Barangay Carreta,  dakbayan sa Sugbo, alas 6 sa buntag sa Lunes, Marso 4, 2024. /
DRUG BUST: Ang manag­suong Jaime Auxtero Dajao, 47, ug Roberto, 53, pulos taga Purok 2, Barangay Tanghalige, lungsod sa Talibon, Bohol nakuhaan og 10 ka kilo sa gituohang shabu nga mobalor og P68 milyunes sa buy-bust sa A. Soriano Avenue, Barangay Carreta, dakbayan sa Sugbo, alas 6 sa buntag sa Lunes, Marso 4, 2024. / ARNOLD Y. BUSTAMANTE

Napulo ka kilo sa gituohang shabu nga mobalor og P68 milyunes nasakmit gikan sa duha ka mga managsuon atol sa buy-bust sa A. Soriano Avenue, Barangay Carreta, Dakbayan sa Sugbo alas 6 sa buntag sa Lunes, Marso 4, 2024.

Ang mga suspek giila nga sila si Jaime Auxtero Dajao, 47, ug ang iyang maguwang nga si Roberto, 53, pulos taga Purok 2, Barangay Tanghalige, lungsod sa Talibon, Bohol.

Nilusad sa malampusong buy-bust mao mga sakop sa Regional Police Drug Enforcement Unit(RPDEU 7).

Lakip sa nakuha sa kapulisan mao ang puti nga Toyota Innova nga maoy gisakyan sa mga suspek.

Nadakpan niadtong Mayo 2020 si Jaime Dajao sa PNP Bohol sa kaso gihapon sa ilegal nga drugas human siya makuhai og upat ka kilo sa illegal drugs nga mobalor og P27.2 milyunes apan pagka Disyembre 5, 2023 nakagawas sa bilanggoan kay na-dismiss ang iyang mga kaso.

Sigun sa usa sa ka opisyal sa RPDEU 7 nga dili lang magpahingan sa media nga ang managsuon ila nang gi-monitor human nigawas ang ilang mga ngalan gikan sa ubang mga nadakpan nga maoy nidala sa kinilo nga ilegal nga drugas.

Gipangsubay pa karon kon asa gikan ang maong supply sa ilegal nga drugas, kon kini gikan ba sa Bohol o sa laing lugar.

Nabantayan sa mga polis nga dunay Chinese character sa putos nga color green nga daw bag-o sa ilang panan-aw.

Dinhi ilang mahibaw-an kon asa gikan ang maong supply sa ilegal nga drugas pinaagi sa putos ug kalidad niini.

Wala na niluwat og pamahayag ang managsuon sa dihang gisuwayan sa pagkuha sa ilang habig.

Si Police Lieutenant Colonel Gerard Ace Pelare, tipamaba ni Police Brigadier General Anthony Aberin, niingon nga ang duha ka mga magsuon high value individual na sa Bohol Police Provincial Office (BPPO).

Sa ilang mga custodial debriefing niadtong mga suspek sa ilegal nga drugas nga ang supply nga maabot sa Central Visayas gikan gihapon sa Luzon nga padayon nga ipalusot agi sa land trip.

Apan tungod sa kaepektibo sa intelligence monitoring sa kapulisan sa Central Visayas, ilang nasakmit ang ubay-ubay nga mga supply sa ilegal nga drugas. /

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph