P7.5M danyos sa sunog sa Sambag 2

P7.5M danyos sa sunog sa Sambag 2
SunStar Local News GPX

Gibana-banang P7.5 milyunes ang danyos sa sunog sa 28A B. Rodriguez St., Brgy. Sambag 2, Siyudad sa Sugbo sa alas 3:57 sa hapon sa Lunes, Abril 8, 2024.

Ang sunog nagsugod sa balay nga gipanag-iya ni May Sandalo nga gipuy-an ni Samantha Claire Talon.

Kini giisa sa first alarm sa alas 3:59 sa hapon ug niabot sa 4th alarm sa alas 5:01 sa hapon.

Matod ni SFO1 Riza V. Julve nga wa pa nila mahibaw-i kon pila ang tukmang gidaghanon sa mga balay nga gikaon sa kayo ug pila ka mga pamilya ang apektado ning pagsuwat sa taho.

Wa pa usab nila matino kon unsay hinungdan.

Samtang usa ka security guard sa Cebu City Medical Center nga si Ford-Lee Famulagan magul-anon nga niasoy sa Superbalita Cebu nga pag off duty niya niuli siya sa iyang gipuy-an nga boarding house sa Sambag 2.

Apan siya nakurat sa dakong sunog duol na sa iyang boarding house mao nga ang iyang uniform na lang sa pag ka security guard ang nasalbar.

Ang uban niyang mga sapot, kabtangan, labina ang iyang importante nga mga papelis ,labina sa original nga papelis sa iyang pagka lisensyadong security guard, naapil sa pagkasunog. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph