P7M nga shabu nasakmit sa Dumaguete City

Hulagway gikan sa DCPS
Hulagway gikan sa DCPS

Usa ka gihulagway nga high value individual (HVI) sa ilegal nga drugas nasikop sa kapulisan sa rehiyon 7 ug Philippine Drug Enforcement Agency (PDEA 7) sa buy-bust sa Martes sa alas 2:40 sa kaadlawon, Mayo 14, 2024 sa Purok Bougainvilla, Candau-ay, Dumaguete City, Negros Oriental.

Ang suspek giila nga si Aldwyn Merced, 36 ulitawo, nagpuyo sa nahisgutang dapit.

Ang suspek nasakmitan og usa ka medium sized nga pakite sa gituohang shabu sa dihang gi palitan sa undercover police pinaagi sa peke nga kwarta nga P3,000 nga gipaibabwan og tinuod nga P1,000.

Nakuhaan pa siya og lima ka medium size sa gituohang shabu ug may dako pang putos sa gi­tuohang shabu ug lima ka elongated nga pakite ug timbangan nga digital, cell phone ug kuwarta nga P1,020. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph