Si Carlo Paalam padayon nga nag-abante sa iyang tinguha nga makabalik sa Olympics human nakasulod sa semifinals sa World Olympic Qualification Tournament sa Bangkok, Thailand sa Biyernes sa gabii.
Si Paalam, 25, silver medalist sa 2020 Tokyo Games - midominar kang Feliz Delos Santos sa Dominican Republic sa quarterfinals sa men’s 57 kg, 5-0.
Usa na lang ka daog makasulod na siya og pwesto sa Paris Olympiad.
Mahimo niya ang pagsulod kon makaposte siya og kadaugan batok sa 5-foot-9 nga si Sachin Siwach sa India.
Si Siwach di huyang nga kontra tungod kay siya gold medal winner sa 2016 AIBA Youth World Boxing Championships sa Russia.
Magbagat ang duha sa Dominggo sa Indoor Stadium Huamark sa kaulohan sa Thailand. / REV gikan sa spin.ph