MI-DRIVE: Si Indiana Pacers guard Tyrese Haliburton (0) mi-drive batok kanila ni Milwaukee Bucks guard Andre Jackson Jr. (44) ug guard Pat Connaughton (24). / AP
MI-DRIVE: Si Indiana Pacers guard Tyrese Haliburton (0) mi-drive batok kanila ni Milwaukee Bucks guard Andre Jackson Jr. (44) ug guard Pat Connaughton (24). / APMichael Conroy

Pacers mipakaging sa Bucks

Naa na sa Indiana Pacers ang bentaha sa ilang nagpadayong playoff batok sa Milwaukee Bucks human nila kini nila pakaginga sa overtime 121-118 sa Sabado, Abril 27, 2024 (Ph time).

Ang three-point play ni Tyrese Haliburton sa himatyong 1.6 segundos maoy nitapos sa iyang unang postseason triple-double ug nibutang sa Pacers sa bentaha sa series 2-1.

Ang two-time league MVP nga si Giannis Antetokounmpo wa nakaduwa tungod sa iyang strained left calf.

Si Haliburton nitali og 18 puntos, 16 ka assists ug 10 ka rebounds.

Si Myles Turner nidugang og 29 puntos ug siyam ka rebounds, iyang playoff career high, ingon man ni Haliburton.

Ang kadaugan maoy labing una sa Indiana nga sunodsunod nga daog sa postseason sukad sa 2014 Eastern Conference semifinals.

Ang Pacers mao sab ang unang nag-una sa playoffs sukad sa Game 3 sa first-round matchup batok sa Cleveland niadtong 2018.

Ang Indiana wala pa nakadaog og series sukad nakaabot sa 2014 Eastern Conference finals.

MAVS

Sa laing playoff, ang 22 puntos, 10 ka rebounds ug siyam ka assists ni Luka Doncic maoy niaswat sa defensive minded Dallas Mavericks batok sa Los Angeles Clippers, 101-90.

Ang Mavs mao na karon ang nag-una sa first round series 2-1.

Sila nisandig sa hugot nga depensa. / AP

Related Stories

No stories found.
SunStar Publishing Inc.
www.sunstar.com.ph