Nagpauwan og franchise playoff record nga 22 ka three-point shots ang host Indiana Pacers aron lupigon ang Milwaukee Bucks, 126-113, sa Game 4 sa ilang Eastern Conference 1st round playoffs series sa National Basketball Association (NBA) ning Lunes, Abril 29, 2024 (PH time).
Sa kadaugan, nakaposte ang Pacers og 3-1 nga bintaha sa best-of-seven series.
Gipangulohan ni Miles Turner ang kadaugan pinaagi sa iyang 29 puntos lakip na niini ang pito ka three-pointers.
Ang Bucks ningkombati nga wala ang ilang labing mga sinaligan nga sila si Damian Lillard ug Giannis Antetokounmpo, kinsa pulos adunay angol. / AP