Pacers nakaabante sa East finals

SunStar Basketball
SunStar Basketball

Nagdilaab nga opensa ang gi­pagawas sa Indiana Pa­cers aron ipanglampornas ang host New York Knicks, 130-109, sa deciding Game 7 sa Eastern Conference se­mi-­finals series sa National Basketball Association (NBA) ning Mayo 20, 2024 (PH time).

Unom ka mga magduduwa sa Pacers ang nakamugna og dobleng numero nga puntos pinangulohan sa 26 ni Tyrese Haliburton.

Ningtunol og 20 puntos ma­tag usa sila si Andrew Nem­bhard ug Pascal Siakam samtang niamot og 19 puntos si Aaron Nesmith alang sa Pacers, nga nakaabante sa Eastern Conference finals sa labing unang higayon sulod sa 10 ka mga tuig.

Sa East finals, kontrahon sa Pacers ang No. 1 overall hu­man sa regular season nga mao ang Boston Celtics, nga yanong ningpalagpot sa Cleveland Cavaliers, 4-1, sa laing conference semi-finals showdown. / AP

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph