Nihatag og suporta si Filipino boxing legend Manny Pacquiao sa pagpahigayon sa ika-24 ka mga tuig nga anibersaryo sa labing dako ug tinuig nga boxing awards sa Pilipinas.
Ang bugtong 8-division world champion nakigtambayayong sa pamilyang Elorde alang sa pagpasiugda sa Pacquiao-Elorde Awards Night (kanhi Gabriel ‘Flash’ Elorde Boxing Awards Banquet of Champions) karong Marso 25, 2024, sa Okada Hotel sa Manila.
Mismong si Pacquiao ang nipadayag sa iyang intensyon nga mahilambigit ning dalaygong binuhatan sa mga Elorde, nga duha na sab ka mga dekada nga naghatag og pasidungog sa Pinoy nga mga boksidor.
Sa interbyu sa Spin.ph, nagkanayon si Pacquiao nga dako niyang garbo nga nahilambigit siya ning maong kalihukan.