Gibutyag ni Filipino Manny Pacquiao sa miaging semana nga nakignegusasyon ang iyang kampo sa kampo ni American Floyd Mayweather Jr. alang sa ilang rematch karong Disyembre, 2023, nga usa ka exhibition bout sa Tokyo, Japan.
“I have an exhibition match coming in December in Japan,” matod pa ni Pacquiao nga napatik sa World Boxing News.
“We’re working on the opponent. We’re working with Mayweather.”
Paglabay sa usa ka semana, gibasura na sab ni Mayweather ang pamahayag sa Pambansang Kamao.
Giangkon ni Mayweather nga tinguha niyang mosagubang og exhibition bout karong Disyembre apan dili si Pacquiao maoy kontra.
Ang duha ka legendary boxers unang nag-away niadtong Mayo 2, 2015 sa Las Vegas diin midaog si Mayweather pinaagi sa unanimous decision.
