Pacquiao, Legends nagkita

LEGENDS: Usa si American-Mexican Oscar De La Hoya (wa) sa boxing legends nga gikahimamat ni Filipino icon Manny Pacquiao (tuo) atol sa panagharong nila ni heavyweight champion Tyson Fury ug kanhi UFC star Francis Ngannou niadtong Dominggo, Oktubre 29, 2023 (PH time). / FB ACCOUNT NI PACQUIAO
LEGENDS: Usa si American-Mexican Oscar De La Hoya (wa) sa boxing legends nga gikahimamat ni Filipino icon Manny Pacquiao (tuo) atol sa panagharong nila ni heavyweight champion Tyson Fury ug kanhi UFC star Francis Ngannou niadtong Dominggo, Oktubre 29, 2023 (PH time). / FB ACCOUNT NI PACQUIAO

Gikahimamat ni Filipino Manny Pacquiao ang ubay-ubay nga boxing legends sa nagkadaiyang mga nasod sa iyang pagbiyahe sa Saudi Arabia, nga maoy nag-host sa panagharong nila ni heavyweight champion Tyson Fury ug kanhi UFC star Francis Ngannou niadtong Dominggo, Oktubre 29, 2023 (PH time).

Si Pacquiao ug ang iyang asawa nga si Jinky nag-post og mga hulagway sa social media sa ilang pagbisita sa Saudi.

Nalakip sa sports icons nga nagpahulagway kauban ang Pambansang Kamao ng Pilipinas mao sila si “Iron” Mike Tyson, “Sugar” Ray Leonard, Ricky Hatton, ug Oscar De La Hoya.

Naa sab sila si Roberto “Hands of Stone” Duran, Amir Khan, Roy Jones ug Joe Calzaghe.

Nagpahulagway sab kauban si Pacquiao mao si football sensation Cristiano Ronaldo, kinsa tataw nga malipayon nga nakita sa personal ang 8-division world champion.

Nisaksi sab sa away nila ni Fury ug Ngannou mao si UFC star Conor McGregor, kinsa nibanhaw sa iyang intensyon nga makig-away ni Pacquiao.

Gipasabot ni McGregor nga aduna unta’y negusasyon kaniadto aron mag-away sila ni Pacquiao apan wala kini nadayon gumikan sa kakulian nga dili kapugngan.

“Boxing, boxing, boxing, I’ve been thinking about it,” matod ni McGregor nga napatik sa www.abs-cbnnews.com.

Apan kuli nga mahitabo ang gihandom nga away ni McGregor gumikan kay adunay laing nagpilit sa alimpatakan ni Pacquiao.

Nagtinguha si Pacquiao nga makaaway sa 2024 Paris Olympics ug nanghinaot sab kini nga madayon ang panagharong nila og balik ni American Floyd Mayweather Jr.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph