Human sa usa ka semana nga pag-training sa Wild Card Gym sa Los Angeles, USA ubos sa paggiya sa dugay na niyang American trainer Freddie Roach, gipadayag ni Filipino boxing legend nga molampos siya sa iyang pagbalik og away gikan sa dul-an sa upat ka mga tuig nga pagretiro.
“I’m confident I’ll win the fight,” matod ni Pacquiao nga napatik sa www.boxingscene.com.
Ang Pambansang Kamao ng Pilipinas mosuway pag-ilog sa korona ni World Boxing Council (WBC) welterweight champion American Oscar Barrios karong Hulyo 19, 2025 (US time) sa MGM Grand Garden Arena sa Las Vegas.
Si Pacquiao, kinsa nag-edad na og 46, niingon nga buhaton niya ang tanan sa training aron malupig ang 30 anyos niyang kontra.
“I’m not taking it lightly and not underestimating him. I have to punish myself as I’ve done before in training,” dugang ni Pacquiao.
Gitataw ni Pacquiao nga wala’y nausab kabahin sa iyang kahinam sa boksing.
“I’m still excited for it, and I’m enjoying all the training,” matod ni Pacquiao.
Si Pacquiao adunay 62-8-2, 39 KOs nga rekord samtang si Barrios adunay 29-2-1, 18KOs nga rekord. / ESL