Niabot na sa Japan niadtong Martes sa gabii, Hulyo 23, 2024 si Filipino boxing legend Manny Pacquiao alang sa iyang umaabot nga exhibition bout.
Ang Pambansang Kamao ng Pilipinas nakatakdang makigharong kang Japanese kickboxer Rukiya Anpo karong Dominggo, Hulyo 28, 2024, sa Saitama Super Arena.
Mao kini ang labing unang pagbalik og away ni Pacquiao gikan niadtong 2022 diin siya nakigsangka ug yanong nidaug batok kang Korean martial artist DK Yoo sa usa ka exhibition fight sa Seoul, South Korea.
Ang away nila ni Pacquiao, 45, ug Anpo, 26, molanat lang og tulo ka rounds.
Ang away gikonsiderar nga tipik sa pagpangandam ni Pacquiao alang sa iyang pagbalik og away sa professional rank diin suwayan niya pag-ilog ang korona ni World Boxing Council (WBC) welterweight champion American Mario Barrios sa ulahing bahin ning tuig 2024. / ESL