Pacquiao motudlo’g leksyon ni Suzuki

Manny Pacquiao
Manny Pacquiao

Nagplano si Filipino sports legend Manny Pacquiao nga tudloan niya og leksyon si Japanese Chihiro Suzuki kabahin sa boksing sa ilang panagharong karong Hulyo 28, 2024 sa usa ka exhibition bout sa Saitama Super Arena sa Japan.

Si Suzuki usa ka inilang kickboxer ug mixed martial artist (MMA) sa Japan.

Sa usa ka press conference, nagkanayon ang Pambansang Kamao sa Pilipinas nga gusto niyang itanom sa alimpatakan ni Suzuki nga mas lisod ang boksing kumpara sa MMA.

Gipasabot ni Pacquiao, kinsa maoy bugtong boksidor sa kalibutan nga nakalangkat og walo ka world titles sa manag­lahing weight division nga nasayod siya nga sayunan ra si Suzuki sa boksing kon itandi sa MMA.

Matod ni Pacquiao, gusto niyang tudloan og leksyon si Suzuki kabahin sa boksing gumikan kay wala pa kini kasinatian isip usa ka boksidor.

Si Pacquiao niretiro niadtong 2021 human sa unanimous decision nga kapildihan niini batok ni Cuban Yordenis Ugas.

Apan nagplano si Pacquiao nga mobalik og away ning tuig 2024 ug ang iyang pagpakig-away ni Suzuki nahilakip sa iyang pagpangandam alang sa iyang pagbalik.

Si Pacquiao, 45, niretiro nga bawon ang 62-8-2, 39KOs nga rekord. / ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph