Pacquiao naghinamhinam sa labing unang Blow-by-Blow world title fight

Depensaan ni World Bo­xing Council (WBC) minimumweight champion Filipino Melvin Jerusalem ang iyang korona karong Septiytembre 22, 2024 sa main event sa Manny Pacquiao Presents: Blow-by-Blow promotion sa Mandaluyong City College gym.

Ning maong tahas, isugal ni Jerusalem ang iyang bakus batok sa iyang mandatory challenger nga si Mexican Luis Castillo.

Mao kini ang labing unang world title fight nga mapahigayon sa Blow-by-Blow, nga gibanhaw ni Pacquiao duha na ka mga tuig ang nakalabay.

Gipasabot ni Pacquiao, kinsa maoy bugtong 8-division world champion sa kalibutan, nga tipik kini sa iyang plano dihang nakadesisyon siyang buhion pagbalik ang Blow-by-Blow, usa ka boxing show sa nasod nga nabantog niadtong dekada 90.

Naghinamhinam na ang Pambansang Kamao ng Pilipinas.

Si Jerusalem adunay 22-3, 12 KOs nga rekord samtang si Castillo naggunit og 22-0-1, 13 KOs nga baraha. / ESL