Dili sayon ang pagpili og labing maayong mga boksidor sa kasaysayan gumikan kay sa matag henerasyon, adunay motumaw nga talagsaong abilidad ibabaw sa ring.
Apan alang sa artificial intelligence (AI) software ChatGPT, yano ra kini nga pagahimuon.
Sa pangutana sa www.givernesport.com kon kinsa ang labing maayong mga boksidor sa kasaysayan, ang AI nagpagawas og lista sa 20 Greatest Boxers in History.
Ning maong lista, nahiluna sa ikalimang puwesto si Filipino boxing icon Manny Pacquiao, kinsa maoy bugtong Pinoy nga naapil sa grupo.
Dili ikasupresa nga maapil si Pacquiao ning maong listahan gumikan sa iyang naabot isip bugtong 8-division world champion ug sa kadaghang dekalidad nga mga boksidor nga iyang gipangpilde.
Nag-una sa listahan si Muhammad Ali (56-5, 37KOs), ikaduha si Sugar Ray Robinson (174-19-6, 109KOs), ikatulo si Floyd Mayweather Jr. (50-0, 27KOs), ug ikaupat si Joe Louis (66-3, 52KOs). / ESL