Sa edad nga 46 ang Filipino boxing legend nga si Manny Pacquiao nagpamatuod nga ang edad usa ka numero lang kon dunay disiplina ug sakto nga training ang atleta.
Ang 8-division world champion gibutang sa numero nga pwesto sa 147-pound division sa bag-ong ranking nga gipagawas sa World Boxing Council (WBC) sa buwan sa Agusto.
Ang pagkabutang ni Pacquiao sa top ranking sa maong division nisunod human sa iyang talagsaong performance batok sa 30-anyos nga nga kampiyon Mario Barrios sa miaging buwan sa Las Vegas, Nevada.
Ang away ni Pacquiao ug Barrios natapos sa majority draw, apan daghan ang nagtuo nga dapat daog si Pacquiao atong awaya.
Nakahimo pagtabla si Pacquaio bisan pa grabe ka inilog si Barrios niadtong awaya.
Si Pacquaio naghupot og 62-8-2, 39 KO nga record.
Gihangop sa mga netizen ug Filipino boxing fans ang maong ranking sa WBC.
Ang usa ka netizen nagkanayon nga wa gyud sa edad sa boksidor kay magdaog gyud kon nindot ang disiplina sa tao.
Dugang pa sa usa ka netizen kay bisan sa edad ni Pacquiao nakigsabayan gihapon kini og mas bata pa niya nga boksidor.
Samtang ang uban netizen gipangita nga kon asa na karon si Floyd Mayweather Jr., ang karibal ni Pacquiao.
Si Pacquiao ug Mayweather nagharong niadtong Mayo 2015 nga ni-set og record sa pinakadako og kita sa pay-per-view buys, pay-per-view revenue, live gate view ug uban pa. / RSC