Padayong nanghinaot si kanhi National Basketball Association (NBA) superstar Dwight Howard nga makaduwa siya isip import sa Philippine Basketball Association (PBA).
Gipabuhagay kini ni Howard sa iyang pagbalik sa Pilipinas niadtong Huwebes sa hapon, Hulyo 11, 2024 nga adunay kalambigitan sa iyang pagduwa sa bag-ong naporma nga The Asian Tournament.
Nabuhian og paglaum si Howard nga makaduwa siya sa PBA human gilibkas sa liga ang import height limit sa Governor’s Cup sa sunod season.
Sa The Asian Tournament, si Howard nakapirma sa Taiwan Mustangs apan aduna kini tanyag gikan sa Zamboanga Valientes. / ESL