Pag-umangkon gidunggab sa uyoan nga nangasaba

SunStar Tabogon
SunStar Tabogon

Nagtingkagol na sa bilanggoan ang usa ka 62-anyos nga uyoan nga nidunggab sa iyang pag umangkon alas 4 sa hapon sa Dominggo, Hunyo 30, 2024 sa Sityo Balendres, Brgy, Caduawan, Tabogon, amihanang Sugbo .

Ang biktima giila nga si alyas Dionesio, 45, minyo samtang ang suspek giilang si alyas Epefanio, minyo, mag-uuma.

Nasayran sa Superbalita Cebu sa kapulisan sa Tabogon Municipal Police Station ubos sa kamanduan sa ilang hepe nga si P/Capt. Florencio Cabanlit nga matod pa hubog ang uyoan.

Giingon nga iyang gikasab-an ang iyang pag umangkon kay langas kaayo kon maglalis sa asawa niini labina magabii ug mahasol, madisturbo sila kay dikit ra ang ilang balay.

Mao kini ang hinungdan nga ang duha nagkalalis. Ang suspek nga dunay dala nga hunting knife nidunggab sa iyang pag-umangkon, kinsa naigo sa abaga ug na landig sa tambalanan.

Pipila ka oras ang nakalabay nakagawas ra sa tambalanan kay di grabi ang samad dinunggaban, samtang ang uyoan mi tahan sa kapulisan sa Tabogon. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph