Makasinati ang Sugbo og kasarangan ngadto sa kusog nga ulan karong semanaha hangtod sa weekend tungod sa habagat o southwest monsoon.
Sumala sa Philippine Atmospheric, Geophysical and Astronomical Services Administration (Pagasa), nagsugod na ang mga pag-ulan ug thunderstorms sugod Miyerkules, Agusto 6, uban sa 50 porsiyentong tsansa sa ulan hangtod sa weekend ug gilauman nga dag-umon ang tibuok Central Visayas.
Gawas sa habagat, gibantayan sab ang usa ka ow-pressure area (LPA) sulod sa Philippine Area of Responsibility (PAR) nga gamay ra'g tsansa mahimong bagyo apan makadugang sa ulan.
Giawhag sa Pagasa ang tanan nga mag-monitor sa mga weather advisory. / DPC