Usa ka meteorologist sa kagamhanan ang nagpahimangno sa publiko nga mag-amping, nagtambag batok sa pagbulad sa ilawom sa adlaw sulod sa kapin sa 20 minutos, ug nag-awhag usab kanila nga seryosohon ang mga taho sa heat index.
Si Chief Alfredo “Al” Quiblat, gikan sa Philippine Atmospheric, Geophysical, and Astronomical Services Administration (Pagasa) Visayas, niawhag sa mga trabahante nga mag-heat break aron mobugnaw, ilabi na niadtong nagtrabaho sa gawas.
Kini taliwa sa nagkataas nga heat index nga nasinati karon sa mga Sugbuanon tungod sa nagpadayong uga nga ting-init ug huwaw sa El Niño phenomenon, nga nag-aghat sa publiko sa paghimo og tukmang mga panagana aron mapanalipdan ang ilang kaugalingon. / KJF