Pagbalik ni Curry posible sa Biyernes

Hugot ang pagtuo ni Golden State Warriors coach Steve Kerr nga makabalik pagduwa si Stephen Curry sa dili pa mahuman ang regular season sa 2025-26 National Basketball Association (NBA).

Namahayag niini si Kerr human niapil na si Curry sa ilang kinatibuk-ang praktis kagahapon, Miyerkules, Abril 1, 2026 (PH time).

“I’m headed in the right direction,” matod pa ni Curry, kinsa gilaumang mobalik na pagduwa karong Biyernes, Abril 3, batok sa Cleveland Cavaliers.

Sulod sa duha ka mga buwan nga wa nakaduwa si Curry tungod sa nasinati niyang angol sa tuong tuhod. / Gikan sa wires