Giangkon mismo ni Filipino boxing legend Manny Pacquiao nga adunay negusasyon apan iyang giklaro nga layo pa sa kamautoran ang potensyal nga world title fight alang sa iyang pagbalik og away batok kang American Mario Barrios, taho sa AFP.
Matod ni Pacquiao nga sa inisyal nga plano, ipahigayon ang away karong Nobiyembre o Disyembre, 2024 apan gitataw sa Pambansang Kamao ng Pilipinas nga daghan pa ang kinahanglang tukion.
Tungod niini, nipirma lang una og kontrata ang bugtong 8-division world champion sa kalibutan aron kontrahon si Japanese mixed martial artist Chihiro Suzuki sa usa ka exhibition bout sa sunod buwan sa Saitama, Tokyo, Japan.
Si Pacquiao, 45, niretiro niadtong 2021 human sa iyang unanimous decision nga kapildihan batok kang Cuban Yordenis Ugas.
Naggunit si Pacquiao og 62-8-2, 39KOs nga rekord. / ESL