Pagcor chairman: Roque miabag sa Pogo firm

Pagcor chairman: Roque miabag sa Pogo firm
Harry RoquePhoto by Alan Tangcawan

Si Philippine Amusement Gaming Corporation (Pagcor) chairman ug Chief Executive Officer Alejandro Tengco niingon sa Miyerkules, Hulyo 10, 2024, nga si kanhi presidential spokesperson Harry Roque nitabang sa bag-o lang gi-raid nga ilegal nga Philippine Offshore Gaming Operator (Pogo) sa Porac, Pampanga alang sa aplikasyon niini alang sa usa ka lisensya sa pag-operate.

Atol sa pagpadayon sa Senate Committee on Women, Children, Family Relations, and Gender Equality nga imbestigasyon sa gi-raid nga ilegal nga Pogo sa Bamban, Tarlac, si Tengco niingon nga si Roque nikuyog kang Katherine Cassandra Li Ong, otorisadong representante sa Lucky South 99, ngadto sa iyang opisina sa Hulyo 2023.

Matod niya nga gihisgutan ni Ong ang mga problema sa Pogo firm, ilabina ang wala pagbayad sa unom ka bulan nga atraso nga nagkantidad og $500,000, bisan pa sa pagbayad niini ngadto kang Dennis Cunanan, kanhi deputy director sa Technology and Livelihood Resource Center.

Matod ni Tengco nga sila si Ong ug Roque ninghangyo kaniya nga tugotan ang Pogo firm nga maka-apply og balik sa ilang lisensya, nga gitakdang ma-expire sa duha ka buwan.

Si Pagcor Offshore Gaming Licensing Department head Jessa Fernandez, kinsa kauban ni Tengco atol sa tigom, niingon nga unom ka higayon nga gikontak siya ni Roque aron mangutana bahin sa reapplication sa Lucky South 99’s license.

Hinuon, giklaro ni Tengco nga wala sila gipugos ni Roque, ni gipangayo, tungod kay nipadayag nga kini nagtuo nga ang gihimo iyang trabaho isip pangu sa legal nga departamento sa kompanya.

“Liliwanagin ko din. Si Secretary Roque po’y nandun. Hindi naman po siya nag-pre-pressure. Siya lang din po ay nakikiusap na kung maaari lang ay matulungan ‘yung si Cassandra Ong,” matod ni Tengco.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph