Sa edad nga 88, mitaliwan na ang giila nga “Amahan sa mga kabus ug nilupigan” nga si Papa Francisco niadtong Easter Monday, Abril 21, 2025 sa Vatican’s Casa Santa Marta.
Base sa taho sa Vatican News gianunsiyo ni Cardinal Kevin Farrell, Camerlengo of the Apostolic Chamber, ang maong masulob-on nga balita.
“Dearest brothers and sisters, with deep sorrow I must announce the death of our Holy Father Francis. At 7:35 this morning, the Bishop of Rome, Francis, returned to the house of the Father. His entire life was dedicated to the service of the Lord and of His Church. He taught us to live the values of the Gospel with fidelity, courage, and universal love, especially in favor of the poorest and most marginalized. With immense gratitude for his example as a true disciple of the Lord Jesus, we commend the soul of Pope Francis to the infinite merciful love of the One and Triune God,” tipik sa maong pahibalo ni Farrell.
Sa sayo pa, si Pope Francis gidala sa Agostino Gemelli Polyclinic Hospital niadtong Pebrero 14, 2025, sa dihang nag-antos sa bronchitis sulod sa pipila ka adlaw.
Nigrabe ang iyang sitwasyon niadtong Pebrero 18 human na-diagnosed ngadto sa bilateral pneumonia.
Human sa kapin sa usa ka buwan sa ospital, niuli siya sa Vatican sa iyang gipuy-an nga Casa Santa Marta diin siya padayon nga nagpaalim sa iyang sakit.
Nasayran nga si Pope Francis kon Jorge Mario Bergoglio sa dihang nagpangidaron pa lang og kapin sa 20 anyos ang gipaubos kaniadto og operasyon didto sa iyang yutang natawhan sa Argentina aron sa pagtangtang sa bahin sa iyang baga nga apektado sa severe respiratory infection.
Sa dihang nagkaedaran, kanunay kining mataptan sa respiratory illnesses nga hinungdan nga gikanselar ang iyang pagduaw sa United Arab Emirates nga gikatakda niadtong Nobiyembre 2023, gumikan sa influenza ug lung inflammation.
Sumala ni Arsobispo Diego Ravelli, Master of Apostolic Ceremonies, nanugon si Papa Francisco nga himuon nga simple ang mga seremonyas sa haya ug paglubong siin buot niya nga ipasentro kini sa pagpadayag sa pagtuo sa Simbahan sa Nabanhaw nga Lawas ni Kristo. /