
Human ang sunodsunod nga pagsaka sa presyo sa lana, posible ang pagkunhod sunod semana.
Mao kini ang gibutyag ni Department of Energy Oil Industry Management Bureau Director Rodela Romero, “We are expecting a rollback in the prices of petroleum products by next week.”
Sa nakalabay nga semana miabot og kapin P5 matag litro ang pagsaka sa mga presyo sa lana sa mga gasolinahan.
Gipaabot nga anaa sa P1 ngadto sa P1.40 ang pagkunhod sa Gasolina, P1.60 ngadto sa P2.10 sa Diesel, ug P2 ngadto sa P2.20 ang pagkunhod usab sa Kerosene.
“Bearish factor that counterbalance the bullish price last week is the announcement of President (Donald) Trump of possible ceasefire between Israel and Iran, thus crude oil future extends drop,” dugang niini.
Miabot sa kapin $78 matag barrel ang pagsaka sa preyo sa krudo sa nakalabay nga mga semana tungod sa gubot sa Israel ug Iran. Hinuon minaog ang presyo niini human gianunsiyo si US President Donald Trump niadtong Hunyo 23 ang ceasefire nga mao ang nakapakalma sa merkado. / PNA