Kapin sa 50 ka mga pulis ug mga miyembro sa kasundalohan ug intelligence community ang nisalmot sa usa ka tibuok-adlaw nga lecture ug interactive nga mga sesyon kabahin sa Freedom of Association (FOA) ug Alternative Dispute Resolution (ADR) niadtong Abril 15, 2025.
Ang kalihukan nga gitawag og "Capacity Building on Freedom of Association and Implementation of Its Guidelines and Seminar on Alternative Resolution to Security Forces" maoy resulta sa usa ka personal nga panaghisgot kaniadto tali ni Department of Labor and Employment Regional Office VII (DOLE) 7 Regional Director Atty. Roy L. Buenafe ug Philippine National Police (PNP) Regional Office 7 Regional Internal Affairs Service (RIAS) Chief, Police Colonel (PCol) Eduardo M. Paras.
Sa iyang welcome speech, gipadayag ni Atty. Buenafe ang iyang kalipay nga natuman na gyud ang ilang gihunahuna ug giplano ni Paras.
Sa iyang bahin, nipasalamat si Paras kang Buenafe ug sa DOLE 7 sa pagtuman sa iyang hangyo.
Sa iyang mga kauban, giawhag ni Paras nga magpokus ug makat-on gikan sa mga mamumulong sa maong sesyon.
Lakip sa mga gihisgutan sa maong seminar mao ang papel sa Commission on Human Rights (CHR) sa Promoting the Rights to Self-Organization and Civil Liberties nga gihisgutan ni Atty. Arvin Odron gikan sa Commission on Human Rights 7, ug ang International Labour Organization (ILO) Convention No. 87 kabahin sa Freedom of Association ug Protection of the Right to Organise Convention niadtong 1948, ug ang ILO Convention No. 98 kabahin sa katungod sa pag-organisa ug collective bargaining nga gipatin-aw ni DOLE 7 Regional Director Atty. Roy L. Buenafe.
Gihisgutan sab ang Executive Order No. 23, nga nagpalig-on ug nanalipod sa katungod sa mga mamumuo sa pag-organisa, ug sa pagtukod og inter-agency committee aron mapalig-on ang koordinasyon ug mapapaspas ang imbestigasyon, pagpasaka og kaso, ug pagsulbad sa mga paglapas nga gipresentar ni Technical Services & Support Division (TSSD) – Labor Relations & Standards Chief Dr. Efren O. Vito.
Gipaila sab ang Omnibus Guidelines on the Exercise of FOA and Civil Liberties nga gihisgutan ni DOLE 7 Med-Arbiter Atty. Lovely Aissa Velayo–Agliam, ug ang Alternative Dispute Resolution ug MAC Conciliation nga gipatin-aw ni Conciliator-Mediator Ms. Rosemarie G. Oxinio gikan sa National Conciliation and Mediation Board (NCMB) 7.
Ang Freedom of Association usa ka batakang katungod sa mga mamumuo sa tibuok kalibutan nga ang mga tinugyanan sa balaod kinahanglan nga masayran ug ampingan, sulod sa gitugot nga mga limitasyon.
Apan kon adunay panagbangi nga mahitabo tali sa mga partido, importante sab nga masayran ang hustong pamaagi sa paggamit sa Alternative Dispute Resolution (ADR) isip usa ka mahinungdanong gamit bisan pa alang sa mga enforcer sa balaod aron malikayan ang kakulang sa kahibalo nga mahimong makapagrabe sa panagbangi. / PR