Pagpatay sa opisyal sa Lapu ‘work related’

NAGPATUMAN: Mao kini ang dapit diin gipusil sa riding in tandem si Lapu-Lapu City Asst. Market Administrator Christopher Ceniza niadtong Martes sa gabii, Enero 2./TAMPO SA LCPO
NAGPATUMAN: Mao kini ang dapit diin gipusil sa riding in tandem si Lapu-Lapu City Asst. Market Administrator Christopher Ceniza niadtong Martes sa gabii, Enero 2./TAMPO SA LCPO

Ang kapulisan sa Siyudad sa Lapu-Lapu nagtuo nga may kalambigitan ang trabaho sa pagpatay sa usa ka market official sa siyudad nga gipusil niadtong Martes sa gabii, Enero 2, sa merkado publiko sa siyudad.

Sa imbestigasyon sa Lapu-Lapu City Police Office (LCPO), nitumaw nga si Christopher Ceniza, 49, minyo, taga Purok Judas Belt, Brgy. Pajo hugot nga nagpatuman sa mga lagda sa merkado.

Mao kini ang gibutyag ni Police Lt. Christian Torres, tigpamaba sa LCPO, sa phone interview sa Superbalita Cebu sa Enero 5.

Matod niya nga may duha sila ka grupo nga gipanid-an apan di pa nila ikabutyag kon kinsa kini nga ilang giisip nga mga person of interest.

Si Torres niingon nga tungod sa hugot nga pagpatuman sa mga lagda di kalikayan nga dunay mga tawo nga mangasuko kaniya.

Matod niya nga niadtong pagkahitabo sa pagpatay sa biktima sa mga alas 10 sa gabii sa Enero 2, 2024, duha ka mga lalaki nga nag-inangkasay sa usa ka motorsiklo niabot, ang angkas maoy ni pusil sa biktima sa public market.

Matod ni Torres nga si Ceniza nagpatuman sa bag-ong ordinansa sa Siyudad nga ang mga nag deliver og mga paninda sa merkado pangkolektahan og bayad.Ang biktima naigo og makaupat sa buko-buko hinungdan sa iyang kamatayon.

Ang mga killer daling ningsibat samtang ang biktima gidala sa tambalanan apan pipila ka mga gutlo ang milabay, namatay kini.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph