Ang beterano nga si James Harden nipirma og tulo ka tuig nga kontrata nga $97 milyones sa Cleveland Cavaliers, ug nahimong ikaupat nga player sa National Basketball Association (NBA) history nga nakaabot og $500 milyones nga career earnings.
Si Harden naapil na sa lista nila LeBron James, Kevin Durant, ug Stephen Curry nga nakabuhat ani nga earning milestone.
Ang walhon nga guard nibuhat pud og history nga maoy pinakadako nga kwarta nga nadawat sa iyang kontrata sa iyang edad nga 36 anyos.
Nangandam si Harden sa iyang unang full season sa ubos sa Cavaliers kay nisulod na kini hinapos nan ga bahin sa season pinaagi sa usa ka trade sa Los Angeles Clippers.
Sa iyang 44 ka duwa sa Cavaliers nag-average si Harden og 20 puntos, 6.8 assists ug 4.9 rebounds. Samtang sa playoffs nakaduwa siya og 18 matches diin nagbuhat kini og 19.2 puntos, 5.5 asssits ug 5.2 rebounds matag-duwa.
Ang tandem ni Harden ug Donovan Mitchell mao ang usa sa atangan sa umaabot nga season.
Si Harden nasulod sa liga tuig 2009 isip 3rd overall pick sa Oklahoma City Thunder diin niya nadaog ang NBA Sixth Man of the Year award.
Nabalhin si Harden sa Houston Rockets tuig 2012 ngadto 2021 diin siya nakakuha og tulo ka scoring titles ug walo ka All-Star selections.
Human niadto nitabok si Harden sa Brooklyn Nets, Philadelphia 76ers, Clippers dayon Cavaliers. / RSC
