NANAWAGAN si Arsobispo Jose Palma sa Sugbo sa tanang umaabot nga lokal nga opisyal nga unahon ang tinuod nga serbisyo publiko kaysa personal nga interes sa ilang pagpangandam sa paglingkod sa katungdanan karong Hunyo 30, 2025.
Matod ni Palma, kinahanglan tumanon sa mga opisyal ang ilang mga saad sa kampanya ug tan-awon ang ilang mandato gikan sa eleksiyon isip “tingog sa katawhan” nga iyang gipakasama sa tingog sa Diyos.
Gipagawas ni Palma ang pahayag sa usa ka interbyu sa Cebu Metropolitan Cathedral niadtong Lunes, Hunyo 23, human sa paghatag og pasidungog ug pag-ila sa Jubilee Year of the Laity.
Ang midterm elections niadtong Mayo 12 nakakita og pipila ka lokal nga opisyal nga na-reelect, samtang daghang bag-ong opisyal ang nakadaog.
“It is a clear voice of the people in a democratic government. Your responsibility is, of course, to God and to the people to make the community aware that their trust should not be made in vain,” mensahe ni Palma sa umaabot nga mga opisyal.
“It is an opportunity to deliver the hope for development, for peace, for a life that’s dignified, for our place, for a province that’s worth the blessings of the Lord, for a city that’s worth the blessings of being gifted with material benefits with a lot of other blessings,” dugang niya.
Giawhag ni Palma ang mga opisyal sa gobiyerno nga mangayo og balaang giya ug kusog, ug isalig ang ilang pagsalig sa Ginuo.
Gipadayag sab ni Palma ang paglaom nga ang mga lider sa kalibutan mopadayon sa malinawon nga dayalogo sa pagsulbad sa panagbangi.
Gipalanog ni Palma ang panawagan ni Pope Leo XVI nga tapuson ang armadong panagbangi ug ang nagpadayon nga tensyon tali sa Israel ug Iran.
Matod sa Santo Papa: “War does not solve problems. On the contrary, it amplifies them and inflicts deep wounds on the history of peoples, which take generations to heal. No armed victory can compensate for the pain of mothers, the fear of children, or stolen futures. May diplomacy silence the weapons.”
“Definitely, this is a very big issue, the economy, the oil price. You know, whatever happens to the world, it affects the whole country… This is a global village,” matod ni Palma.
“They may be far, but we’re just a small world in that sense. From wheat to oil, you know, to the many other effects to the economy. We certainly affect one another,” iyang gidugang. / EHP