Pipila ka adlaw sa dili pa ang opisyal nga pag-turnover sa liderato sa kagamhanan sa Lalawigan sa Sugbo, duha ka managlahing kalihukan nga maghatag og pasidungog ang mahitabo sa Sugbo.
Si outgoing Cebu Governor Gwendolyn Garcia nga nagdumala sa pipila ka termino, pormal nga gipasidunggan atol sa regular session sa 16th Sangguniang Panlalawigan niadtong Hunyo 24, 2025.
Gihulagway sa Hunta Probinsyal si Garcia nga usa ka “sterling and inspiring leadership” nga nakapaisa sa Sugbo sa giingong “unprecedented heights” ug nipatik sa lalawigan sa numero uno nga pwesto sa tibuok nasod.
Samtang sa laing bahin, sa usa ka hotel sa North Reclamation Area, usa ka thanksgiving celebration sab ang gipahigayon sa kampo ni Cebu Governor-elect Pamela Baricuatro.
Sa samang higayon, usa ka emotional tribute ug birth anniversary ang gipahigayon alang ni anhing Dr. Rowena Burden, usa sa giilang kritiko ni Garcia atol sa panahon sa pandemya ug giilang usa ka suod nga higala ni Baricuatro.
Sa Hunyo 30, gikatakda nga manumpa ug mo-assume na sa katungdanan pagkagobernador si Baricuatro. / ANV