Gipasidan-an ni Cebu Governor Pamela Baricuatro ang publiko ug business sector nga wala siyay gihatagan og pagtugot si bisan kinsa nga morepresentar kaniya alang sa bisan unsang business transaction ilabi na gyud ang pag-solicit og shares gikan sa government contracts.
Gipadayag ni Baricuatro diha sa social media nga ang tanan nga proyekto gikinahanglan nga mopaubos ug moagi sa Bids and Awards Committee.
Iyang giawhag ang mga stakeholders nga likayan ug balibaran ang mga tawo nga magpaila nga dunay direktang koneksyon.
Si Ainjeliz Dela Torre-Orong, tigpamaba ni Baricuatro nipasabot nga dunay mga taho nga ilang gisusi kabahin sa giingong mga tawo nga nisuway paggamit sa pangan sa gobernador aron mohimo og transaksyon.
“...She’s asking lang gyud for the public of kaning mga businesses if naay mga ingon ani, mga shortcut in exchange of money, to report it to us or to Gov. immediately or if naa moy transactions nga ganahan to join biddings on certain projects to go through the proper channels lang gyud,” matod ni Dela Torre sa Hulyo 26, 2025.
Gitataw sa gobernador nga tinguha sa iyang administrasyon ang transparency ug accountability sa tanang transaksyon. / ANV