Tulo ka mga hangyo ang gipadangat ni Cebu Governor Pamela Baricuatro sa mga empleyado sa kapitolyo atol sa ika-456th nga kasaulogan sa pagkalalawigan sa Sugbo sa Agusto 6, 2025.
Atol sa pakighimamat ni Baricuatro sa mga empleyado iyang gipasalamatan ang tanan nga mga nilabay’ng gobernador ug Bise gobernador nga niserbisyo sa kapitolyo sa pila ka katuigan.
“We should always remember those governors and vice governors that helped shape the Province of Cebu in the past, let’s give them all of them whether they are on the wall or still alive, they deserve our congratulations, “ matod ni Baricuatro sa Agusto 6, 2025.
Gipadayag niya ang iyang mga hangyo alang sa mas hapsay nga pagtrabaho sa kapitolyo.
Una , ang panaghiusa, gisundan sa kalinaw ug ang pagtimaan sa ilang serbisyo sa mga Sugboanon nga dunay kalipay.
“Pirmiro magkahiusa tang tanan, past is past...but whether you voted or not pareha nata karon, we are one and the same...let’s work as a team,” matod ni Baricuatro. / ANV