Gisaulog sa Dakbayan sa Lapu-Lapu ang 64th Charter Day niadtong Martes, Hunyo 17, 2025, nga nagdala sa tema nga “Unity and Resilience through CHANge: Honoring Lapu-Lapu City’s Legacy,” nga gipahigayon sa Hoops Dome.
Nanguna sa kasaulogan mao si Congressman-elect ug outgoing Mayor Junard “Ahong” Chan, ug si Mayor-elect ug outgoing Congresswoman Ma. Cynthia "Cindi" King-Chan kinsa nipaambit og kinasingkasing nga mga pakigpulong nga nagpasidungog sa pagbag-o sa siyudad ug sa mga tawo nga nagpaluyo sa pagtubo niini.
Atol sa pakigpulong ni Congressman-elect Ahong Chan iyang gipalanog nga ang pagkahimong siyudad sa Lapu-Lapu pinaagi sa Republic Act No. 3134 niadtong 1961, iyang gipasidunggan ang bayanihong kaisog ni Datu Lapulapu nga nanalipod sa kagawasan.
“This city—our city—is not built by one person, nor one hero. It is built by all of us, together, hand in hand, heart to heart,” tipik sa mensahe ni Chan.
Samtang si Mayor-elect Cindi King-Chan, sa laing bahin, nipadayag sa padayon nga tinguha sa kagamahan nga makahatag og kahigayonan sa mga Oponganon.
“We celebrate each and everyone’s role in making Lapu-Lapu City not just a top tourist destination… but more importantly, for making it our home,” matod pa ni Mayor-elect Cindi. / FVQ