Ang Children’s Shelter of Cebu, Inc., nanawagan sa pagpangita sa mga ginikanan o mga kaparyentihan ni Guada Mae Amacanim, 12-anyos nga batang babaye, gipanganak niadtong Nobiyembre 13, 2012, sa Sambag 2 Health Center, Sitio Kawayan, Cebu City.
Si Guada Mae gi-rescue nila ni Elsa Carredo (Brgy. Sambag 2 Gender and Development Staff) ug Jevalyn Cabase (silingan) sa ilang balay sa Sitio Kawayan, Barangay Sambag 2, Cebu City, niadtong Nobiyembre 5, 2018, samtang ang bata nag-edad og 5-anyos atong higayuna.
Ang inahan nga nailhan nga si Yvette Cabase Amacanim niabandonar sa maong bata (4-anyos atong higayuna) kaniadtong Disyembre 2016, ug wala na kini niya balika.
Ang ulahing nahibaw-an nga puluy-anan sa inahan mao sa Sitio Kawayan, Brgy. Sambag 2, Cebu City ug Quijano Compound, Barangay Calamba, Cebu City.
Kinsa kadtong dunay kahibalo o paryente niining bata, palihug pakigkita o motawag sa telepono # (032) 254-2944/ 09153551545 ug pangitaon si Alenaire Claire Olimpo, Social Worker, CHILDREN’S SHELTER OF CEBU, INC., 178- ID Sun Valley V. Rama, Cebu City, Cebu. Ug walay motunga sulod sa usa ka bulan, ang bata ipahimutang na sa balaud-non nga proseso nga pag-abandonar pinaagi sa National Authority for Child Care.
Ang Regional Alternative Child Care Office (RACCO) VII, attached agency sa Department of Social Welfare and Development (DSWD), nanawagan sa publiko kon kinsa ang nakaila ni Josephine B. Mateo, inahan ni Jackilyn Mateo, 12-anyos nga batang babaye.
Si Josephine nanganak niadtong Hunyo 7, 2012, sa Vicente Sotto Memorial Medical Center, Cebu City. Human gi-discharged sa hospital kaniadtong Hunyo 9, 2012, alas 10:00 sa buntag, iyang gibilin iyang anak nga 2 days old pa lang sa iyang inahan nga si Tomasa B. Mateo sa ilang panimalay sa Gimamaa, Tuburan, Cebu.
Sukad anang adlawa, wala na nibalik ang inahan sa bata ug hangtod karon ug walay balita si Tomasa ug asa na si Josephine. Kasamtangang anaa karon ang bata sa usa ka lisensyadong foster family.
Kinsa man ang adunay kasayuran sa mga kaparyentihan niining bataa, palihug pagtawag sa 09171416222 o pakigkita sa Social Worker nga si Aiza Aniga o pagbisita sa opisina, RACCO VII, 3 rd Floor DN Steel Bldg., corner A.C. Cortes and Plaridel Street, Cambaro, Mandaue City, Cebu. Ug walay motunga sulod sa usa ka bulan, ang bata ipaubos sa proseso sa “legal abandonment” pinaagi sa National Authority of Child Care ug siya ma isyuhan ug Certificate as Legally Available for Adoption base sa Republic Act 11642. /