Nanawagan sa publiko ang Municipal Social Welfare and Development Office sa Compostela sa pagpangita sa inahan o mga kaparyentehan sa batang babaye nga si Maleka Duzen Bitoon, natawo kaniadtong Hunyo 23, 2015, ug 10 ka tuig na ang pangidaron sa pagkakaron.
Kaniadtong Enero 8, 2016, sa alas 10:00 sa buntag, si Maleka Duzen Bitoon, nga 6 ka bulan pa ang edad niadtong panahona, gitugyan sa iyang inahan nga si Anabel Saguran Bitoon ngadto kang Marigen Bitoon Abella sa Purok Talisay, Hika, Poblacion, Compostela, Cebu.
Sukad niadtong adlawa, wala na mobalik si Anabel aron kuhaon pag-usab ang kustodiya sa bata.
Ang iyang katapusang nahibal-an nga pinuy-anan mao ang Cabadbaran, Agusan del Norte, apan hangtod karon wala na siya matultolan.
Kinsa man ang adunay kasayuran sa ginikanan niining bataa palihug pakigkita sa Social Worker nga si Ms. Algie Monte sa Compostela Municipal Social Welfare and Development Office sa Poblacion, Compostela, Cebu o pagtawag sa telepono (032) 401 - 3265 sa labing daling panahon.
Ug walay motunga sulod sa usa ka bulan, ang bata ipaubos sa proseso sa “legal abandonment” pinaagi sa National Authority of Child Care ug siya maisyuhan ug Certificate as Legally Available for Adoption base sa Republic Act 11642. / PR