Pangulo sa advisory group: Pag-abag sa kapulisan ipadayon

TAMPO
NAMULONG: Si Marlinda Angbetic Tan, chairperson sa Cebu City Advisory Group for Police Transformation and Development, namulong atol sa joint meeting kauban ang Station Advisory Group for Police Transformation and Developmeny sa Inayawan Police Station sa CCPO niadtong Huwebes, Hunyo 6. Nanumpa sa samang higayon ang mga bag-ong sakop sa grupo. / TAMPO

Ipadayon ang passion ug commitment sa pagpangala­gad sa komunidad isip kaabag sa kapulisan pinaagi sa advisory group sa matag police station ubos sa Cebu City Police Office (CCPO).

Mao kini ang mensahe nga gipalanog ni Marlinda Angbe­tic Tan, chairperson sa Cebu City Advisory Group for Police Transformation and Development (CAGPTD) atol sa joint meeting kauban ang Station Advisory Group for Police Transformation and Development (SAGPTD) sa Inayawan Police Station sa CCPO niadtong Huwebes, Hunyo 6.

“Di lang pwede para sa nga­lan.... We are here for work,” matod ni Tan.

Nalipay siya nga nakita sa Philippine National Police ang mga butang nga gipanghimo sa lainlaing advisory groups sa police stations isip kapartner sa kapulisan.

TAMPO
NAMULONG: Si Marlinda Angbetic Tan, chairperson sa Cebu City Advisory Group for Police Transformation and Development, namulong atol sa joint meeting kauban ang Station Advisory Group for Police Transformation and Developmeny sa Inayawan Police Station sa CCPO niadtong Huwebes, Hunyo 6. Nanumpa sa samang higayon ang mga bag-ong sakop sa grupo. / TAMPO

“Nagkinahanglan og tabang atong pulisya. The peace and order is everyone’s concern. Ang pagpakabana sa peace and order kada usa kanato, kinahanglan motabang.... Because they cannot be there alone,” dugang niya.

Sa nasayran, ang advisory group sa Inayawan Police Station maoy gideklarar isip Outstanding CCPO Advisory Group sa 2023.

Sa maong joint meeting, gipasidunggan ang mga tinun-an nga nakadawat og labing taas nga honor sa ilang klase sa mga barangay nga sakop sa area of responsibility sa Station 7.

Ang mga gipasidunggan mao sila si: James Michael Avendanio sa Barangay Poblacion Pardo, Jose Victor C. Lamosao Jr. sa Barangay Inayawan, Phoebe Ricel S. Tek sa Barangay Cogon Pardo, Jose Uriel Lines Lambojon sa Barangay Kinasang-an, Maricel Vanguardia sa Barangay Bulacao, ug Nicolae James Patre D. Sanchez sa Barangay Basak Pardo.

Nanumpa usab ang bag-ong mga miyembro sa advisory group nga nagrepresentar sa sektor sa mga batan-on. / PR

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph