Nagmalampuson ang gipahigayong Rehiyonal nga Panagtigom alang sa Korespondensiya Opisyal sa lalawigan sa Bohol niadtong Nobiyembre 22-23, 2023.
Gipangulohan kini sa direktor sa Sentro ng Wika at Kultura sa Cebu Normal University(CNU) nga si Dr. Lita A. Bacalla, ug kaubang mga magtutudlo nga sila Elvin Ruiz ug Carreon Joy Derasin sa pakipagtambayayong sa Komisyon sa Wikang Filipino nga sila si Dr. Sheilee Vega, G. Jomar Caňega, Rene Roy Cagalingan, ug si G. Sir John Torralba nga maoy naghatag sa mga bulawanong kaalaman ug impormasyon sa seminar kauban ang Lalawigan sa Bohol nga gisuportahan sa ilang gobernador nga si Erico Aristotle Aumentado.
Gisalmutan kini sa mga local government unit sa lungsod sa Minglanilla ug dakbayan sa Naga sa Sugbo ug mga lungsod sa Valencia, Anda, Tagbilaran ug Getafe sa Bohol ingon man sa mga trabahante sa Kapitolyo sa Bohol.
Nihatag usab og mensahe ang komisyoner sa Wikang Sebwano si Dr. Hope Yu ug ang pamuno sa CNU nga si Dr. Daniel Ariaso Sr.